Sigrun Þormar 44 ára. Útskrifaðist sem hagfræðingur (Oecon) frá Århus Universitet 1990.

Reynsla:

2003: Ráðgjafi hjá www.islandia.dk og www.sigrunthormar.dk Á skrá sem útflutningsráðgjafi hjá Útflutningsráði Islands.

2001 til 2003 : Ráðgjafi hjá Teknologisk Institut í Árósum, vann við outsourcing "úthýsing"

1997 til 1999 : Eigið ráðgjafafyrirtæki "Sigrun management" ráðgefandi í markaðsfærslu. Viðskiptavinir: Littlewoods (UK), Quelle (DE), Waschbäre (DE), Daells Varehus (DK), Freemans International (UK), Gudrun Forlag (DK), Natural Network í samvinnu með Iðnþróunarfélögum Eyjafjarðar- og Suðurnesja (IS)

1990 til 1997: Framkvæmdastjóri Freemans of London Danmark A/S

Kjarnahæfileikar: Markaðssetning, viðskipta- og almannatengsl.

Persónulegir eiginleikar: Samviskusemi, atorkusemi, skipulagshæfileikar.

Ævisaga í stuttu máli:

Ég flutti fyrst til Danmerkur sem barn árið 1969 og bjó á Kaupmannahafnarsvæðnu í 3 ár, síðan í Hirtshals á Norður Jótlandi í 1 ár. Ég þekki vel tilfinninguna hvernig það er að setjast inní nýjan skólabekk í ókunnu landi þar sem maður ekki skilur eitt orð.

Eftir stúdentspróf flutti ég til Svíþjóðar og bjó þar í 2 ár. Danmörk átti þó alltaf eitthvað í mér, þannig að árið 1985 flutti ég og maðurinn minn til Árósa og höfum búið á svæðinu síðan.

Af hverju ættir þú að leita til mín?

Af hverju átt þú að leita til mín, en ekki bara redda þér sjálfur eða með aðstoð vina og kunningja sem hafa búið í Danmörku eða búa hér? Er ekki hægt að finna allt bara á Netinu?

Svar:
Það þarf ekki að taka fram að ég tala dönskuna óaðfinnanlega, eftir að hafa búið hér í 24 ár. Ég hef gífurlega góð sambönd eftir 15 ár í atvinnurekstri, hef stórt netverk og þekki alla króka og kima í danska kerfinu.

Ég hef þurft að yfirstíga margar grensur, bæði sem barn og fullorðin. Ég tala dönskuna jafn vel og íslensku ( kannski betur!), þekki allt kerfið út og inn, bæði allt sem viðkemur einstaklingum og fyrirtækjum.

Ég er gífurlega reynd, áræðanleg, og þekki bæði danskan og íslenskan kúltur og þjóðarsál.

Af hverju býð ég uppá þessa þjónustu?

Hugmyndin að þessari þjónustu kviknaði af algjörri tilviljun, þar sem ég hafði verið að aðstoða ýmsa kunningja, og vandamenn þeirra, sem voru að flytja hingað og komst að því að það var þörf á svona þjónustu. Það er nefnilega ekki nóg að bara safna að sér fullt af ”tenglum” og ætla svo að reyna að finna út úr hlutunum sjálfur, þetta er bara meira en að segja það!

Kunningjakona mín var að flytja hingað til Árósa og hringdi í mig frá Íslandi. Hvað á ég að gera ? spurði hún. Mig vantar húsnæði, síma, internet, tryggingar og bíl. Ég vil að dóttir mín komist í góðann skóla og að allt gangi snuðrulaust fyrir sig, getur þú hjálpað mér? Þegar hún kom til Árósasvæðisins 2 mánuðum seinna, flutti hún beint inní hús sem ég hafði leigt handa henni. Síminn var tengdur og Netið klárt. Búið var að tala við skólastjórann í skólanum fyrir dótturina og ganga frá heimsókn í skólann. Síðast en ekki síst, bílinn stóð í innkeyrslunni! Við fórum saman og létum skrá hana í landið, gengum frá tryggingum og sóttum um bankareikning.

Þegar þessi kona ári seinna keypti fyrirtæki, aðstoðaði ég hana í því. Hálfu ári seinna keypti hún sér hús og auðvitað aðstoðaði ég hana einnig við það.

Hún var mjög þakklát og allt hafði gengið svo vel, að hugmyndin kviknaði að www.sigrunthormar.dk Reynslan hefur síðan sýnt að þörfin er gífurleg fyrir góða og áræðanlega þjónustu af þessu tagi. Á stuttum tíma er www.sigrunthormar.dk orðin stór hluti af tilveru minni, starf sem hefur uppfyllt þörf mína fyrir að hafa meira samneiti við islendinga og meira samband vi gamla landið mitt Island.